Cozy Coffee (已結業)

Cozy有三間分店，呢間喺西貢，高二層，裝修靚有啲feel，但二樓蚊蟲好多，有隻大青蜓添！嘢食嚟講，非常普通，咖啡都很一般。*B & T 番茄煙肉蛋 $78偽北非焗蛋？番茄醬汁好濃稠，有好多煙肉碎。中間有一隻溫泉蛋，再鋪上一層芝士。其實溫泉蛋唔係好夾。麵包烘熱咗，但唔夠香，而且有啲乾。Pan-fried Halibut 香煎比目魚 $128$128嚟講份量好少，魚塊細，配菜少。比目魚雖然煎到香脆，但好腥。非常唔建議！Carbonara bucatini 卡邦尼飲管粉 $98飲管粉係中空意粉，可以索汁，但現實係冇嘅，而且煮得過腍。表面有一片巴馬臣芝士脆脆，但冇芝士鹹香味，同溫泉蛋一齊撈意粉食，兩者都唔夾。卡邦尼汁好濃，但食到最後太杰，好張口。Blood Orange Cold Brew Tonic 血橙冷萃咖啡湯力 $58血橙微甜微酸，咖啡味唔夠重唔夠香。Flat White 白咖啡 $42咖啡味淡，奶味太重，很一般。