巧得鍋 (已結業)

我一向鍾意食火鍋，今次黎到觀塘呢間火鍋店，入面好乾淨，通常都要上網訂定位，如果唔係分分鐘要等。呢間火鍋店有好多湯底可以揀，而我地就選左雞煲，有南乳味，幾特別，不過我就覺得咸左少少。我一行兩個人食左個套餐，有唔同既配料，仲有前菜，手調飲品，我叫左沙冰，好有鮮果味，可以推介。食物都好新鮮，而我特別鍾意蝦丸，係手打個種，好彈牙，海鮮、菜都唔錯。而牛肉拼盤我就覺得麻麻地，牛肉尚算新鮮，但我覺得牛味唔夠重，唔係特別好味。如果唔想煩，而人少少，我都好推介大家叫套餐，抵好多。