醉標無骨海南雞 (已結業)

醉標無骨海南雞早幾日去咗深水埗針灸，針灸前點都要食下野，我就去咗長沙灣搵野食，去咗一間小店，佢哋主打係無骨海南雞飯，見到幾抵食決定買2盒外賣走，去附近「漢花園」坐喺度食！1.無骨海南雞飯 附送紙包飲品$35（8/10）呢個無骨海南雞飯個雞皮同雞肉好嫩滑，而且無血又唔韌，入面仲有7件雞同青瓜，飯仲微暖帶少少黃薑味，仲有送一包辣醬，辣醬酸酸辣辣，幾好食！😋😋😋送紙包檸檬茶2.泰式口水雞飯 附送紙包飲品$35（8/10）（8/10）呢個泰式口水雞飯辣度唔夠辣，個雞皮同雞肉好嫩滑，而且無血又唔韌，入面仲有7件雞同青瓜，飯仲微暖帶少少黃薑味，得1包辣醬兩人搶嚟點，下次再買必定拎多包辣醬！送紙包蘋果味綠茶3. 泰式鳳爪$30（8/10）呢個泰式鳳爪大約有15件，酸酸辣辣好惹味，如果白醋落少一點就更好！👍👍👍4. 楊枝甘露$26（9/10）呢個楊枝甘露入面勁多芒果肉、柚子肉、椰果同西米，其他地方似飲水，料一定少，相對呢間小店就超足料，又唔會好甜，正爆！😍😍😍2人總共價錢$126個人口味總評分：8.25/10地址：長沙灣永隆街9號地下E號舖#醉標無骨海南雞 #海南雞 #香港美食 #長沙灣美食 #hkf