Olive ERA (已結業)

今日去到黃大仙一個就腳得黎，環境恬靜既地方與女朋友共進晚餐。今日叫左唔少野食，第一樣係生蠔分別有Gillardeau no2 同fine de Claire no1食個海鮮頭盤開始今晚既晚餐～ 兩款生蠔感覺都算新鮮，加上檸檬汁幾開胃。之後叫左龍蝦濃湯，配搭既麵包同個湯幾夾，旁邊既香草沙津醬都好香香草味，但我個人真係鍾意個湯多啲。係龍蝦濃湯之後有龍蝦意大利飯，佢用既意大利飯比較大粒，火箭菜、龍蝦汁同小甜茄味道好夾。海膽扁意粉個汁都係龍蝦汁，海膽既甘甜味幾突出，意粉質地都唔錯，算係今晚亮點。仲有一道係肉食主菜，肉眼扒，10oz好足量，薯條炸得好到位，我唔太鍾意佢牛扒處理得有啲乾，但整體味道都唔錯。跟牛扒有三款汁，分別係胡椒汁、洋蔥汁同紅酒汁，我比較鍾意洋蔥汁，用黎點薯條幾好食。食晒野會上飲品，叫左兩款花茶，薑茶同個糖唔太夾但個bloody orange 既酸味幾好飲。總結呢到其實離地機站都好近，但由於佢地理環境幫助下，感覺好恬靜，坐落好舒服，適合傾下計。