喜喜冰室 (已搬遷) 新店位置

在入店前有model影相,誰知她之後就坐在我地隔離。有保母替她保妝、有人為佢影硬照、做訪問,孤漏寡聞的我才知,我地可能見到台灣明星!唔理咁多,叫野食!所有店員都好有禮貌,好好人。老薑豬潤出前一丁,不加味粉,先試原湯味。豬潤味好出,正!加埋味粉,都好好味(可能有好多薑絲調味,I like it!)。日版一丁,麵條很幼,吸晒湯味!雖然賣得貴,但試一試不為過份。油沙多士,原來砂糖,係附一包砂糖。我初時以為,在牛油上灑糖,再用火熗輕輕消燋。而家咁,即刻大減懷舊風味!牛油查唔夠,四角都無查度!加砂糖食,好得意!有點像爆炸糖,在口內喳喳聲溶掉。再用心整,油沙多,係好好食既野黎!一心諗住食香蕉pancake,但甜品牌上,有更吸引的Rum酒葡萄芝士班戟藍莓配雪糕。黎到先至晃然大悟!!!克戟同班戟係唔同架!!!!!太激氣喇!我想食克戟,唔係班戟呀!!而家黎個薄切切既班戟皮,包住大大pet的芝士吉士,好漏呀!拌著的雪糕,黎到已半溶；還有佔左半隻碟的藍莓醬,簡直多此一舉,整碟野,好唔夾!另外,好朋友仲叫左杯熱檸水。我諗下次,無咁飽時,一定要,試埋個青豆湯雞批,拚香蕉克戟餐!!