密密燒

營業中

休息中

第一次去摸左門釘，之後就book左位食😅💵任食串燒放題，$250/1人，冇加一餐廳格局有四至六人枱，都有啲二人位，適合唔同場合。入到去職員好快介紹左點用部串燒機。串燒係手機落單，飲品就出水吧自助，飲品種類選擇都算多，最正係唔同嘅冷泡茶🤓。🍖串燒就正常選擇，牛，雞，豬（大推），羊，鴨，海鮮，腸同丸，菜選擇就偏少。串燒本身就冇預先調味，而餐廳有提供燒烤醬，孜然粉等等。肉類水準都不錯，不過當然質素就冇出面串燒店嗰啲咁好架啦，無論係肉質定火候。望住啲串燒轉下轉下咁，係幾有趣嘅體驗。仲可以食住瓜子（免費嘅）同朋友吹水，二百五十唔加一黎講都算抵食，推薦大家試下！🙌🏻🙌🏻