影片
更多
2020-10-28
1535 瀏覽
💛 呢間餐廳真係榮獲我最愛串燒店!!!超高質特色串燒或海鮮 絕對物有所值大大大大大力推薦希望各位支持呢間良心小店🤤-店舖好細 加上疫症關係 我去嘅時候只可以坐一半客真係令小店好難做😢 店主有曾經係米芝蓮餐廳工作嘅經驗 又去過台灣學藝 而且對食材好有堅持每日親自去入貨!! 試過就會知道 店主嘅串燒真係 調味上 火候上 燒嘅時間同程度 各方面都係恰到好處 即叫即燒非常出色 基本上每一件食物都感受到佢嘅誠意🍢 好想為呢間餐廳逐一紀錄低我食過嘅每一件食物❤️-🦐 雞皮天使蝦 ($38 一串)食過燒雞皮都知道雖然好邪惡但真係好好味 從未食過用雞皮包住蝦黎燒 去咗蝦殼 好特別而且好吸引 調味一流🥟 雞皮餃子 ($58 一碟四件)一樣係用雞皮製作 今次係用雞皮取代餃子皮 同樣好特別 雞皮味道突出之餘配上熱辣辣嘅餃子餡料🐥 鹽燒雞 ($36一串)雞肉嫩滑 醃料調味出色🐮 鹽葱厚燒牛舌 ($48 一串)牛舌基本上都係我嘅必點 牛舌厚身好有口感 表面鋪滿葱 啖啖都好滋味🍗 月見軟骨雞肉棒 ($38 一串)食到雞肉棒內嘅粒粒軟骨 配上生蛋黃 味道好夾 真係點完又點 一邊食到爽口嘅軟骨 一邊享受蛋黃汁配襯住軟稔
呢間餐廳真係榮獲我最愛串燒店!!!
超高質特色串燒或海鮮 絕對物有所值
大大大大大力推薦希望各位支持呢間良心小店🤤
-
店舖好細 加上疫症關係 我去嘅時候只可以坐一半客真係令小店好難做😢 店主有曾經係米芝蓮餐廳工作嘅經驗 又去過台灣學藝 而且對食材好有堅持每日親自去入貨!! 試過就會知道 店主嘅串燒真係 調味上 火候上 燒嘅時間同程度 各方面都係恰到好處 即叫即燒非常出色 基本上每一件食物都感受到佢嘅誠意🍢 好想為呢間餐廳逐一紀錄低我食過嘅每一件食物❤️
-
🦐 雞皮天使蝦 ($38 一串)
食過燒雞皮都知道雖然好邪惡但真係好好味 從未食過用雞皮包住蝦黎燒 去咗蝦殼 好特別而且好吸引 調味一流
🥟 雞皮餃子 ($58 一碟四件)
一樣係用雞皮製作 今次係用雞皮取代餃子皮 同樣好特別 雞皮味道突出之餘配上熱辣辣嘅餃子餡料
🐥 鹽燒雞 ($36一串)
雞肉嫩滑 醃料調味出色
🐮 鹽葱厚燒牛舌 ($48 一串)
牛舌基本上都係我嘅必點 牛舌厚身好有口感 表面鋪滿葱 啖啖都好滋味
🍗 月見軟骨雞肉棒 ($38 一串)
食到雞肉棒內嘅粒粒軟骨 配上生蛋黃 味道好夾 真係點完又點 一邊食到爽口嘅軟骨 一邊享受蛋黃汁配襯住軟稔嘅雞肉 口感豐富有層次
🐟 鹽燒新鮮白鱔 ($58 一串)
食材新鮮 嫩肉彈牙 調味恰當更加吊出白鱔鮮味
🌿雞皮蘆筍卷 ($32 一串)
小店用雞皮嘅方式千變萬化 燒蘆荀常見亦都穩陣好味道 加埋雞皮卷住又係另一種層次 醃得好好味
🥒汁燒翠玉瓜 ($20 一串)
又厚又大件翠玉瓜一樣係調味火候都剛好喔
🍢汁燒豆腐 ($28 一串)
豆腐一件好大件呀 外面燒得挺身 包住內裡軟稔豆腐 燒乾嘅豆腐唔係滑溜個種 而汁燒味道就仍舊出色
🦆 脆皮鵝肝多士 ($88 一碟)
多士上咁大件嘅唔好誤會係雞肉 係鵝肝鵝肝鵝肝!!!
超大件超足料 而且唔係圖示咁乾身的 食落係juicy 而且真係好大件我分開左兩三啖依然啖啖鵝肝 o(^▽^)o
🦪 黑松露鵝肝燒蠔 ($38 一件)
呢三樣嘢都係好好味無錯 加埋一齊實在濃味到我食到重口味都覺得少少over 哈哈分開食會比較好喔 ಠ_ಠ
🐚 蒜蓉燒北海道元貝 ($78 一件)
份量絕對對得住價錢 元貝好大件而且好多蒜蓉係面 味道恰好
🍤 鹽燒/蒜香燒大虎蝦 ($58 一件)
一樣係好大隻虎蝦喔 兩隻調味都好味 揀唔到邊款稍勝嚕
🐑 法式燒紐西蘭羊架 ($68 一件)
好大件羊架 啖啖肉 羊嘅香氣配有少少羊羶味係我鍾意嘅味道
🦀 蟹膏甲羅燒 ($88 一碟)
一碟跟埋4件多士 將蟹膏撈埋蟹籽同埋生蛋 非常熱辣辣 溫度融合幾樣野好配搭 再放上多士擺入口係大享受
🍲 清酒濃湯煮花甲王 ($138 一碟)
呢個份量一樣好多 花甲食極都仲有 重點係清酒濃湯味道真係好鮮好出色 朋友食晒花甲之後連個湯都唔放過 真係飲晒清到底喔!!!
-
🤰🏻#大肚腩小分享
哇呢餐真係食咗好好好多喔 大肚腩頓時漲大兩倍😂 事實係餐廳嘅食物真係好特別好高質 試過其他串燒店都未試過有呢間咁多樣性咁創新之餘仲咁好味😍 好用心打呢篇食評留俾自己一個好開心嘅回憶 希望有同我一樣鍾意串燒嘅人都感受到我嘅熱情哈哈🙋🏻♀️ 雖然價錢唔平但真係值得的 店主一個人燒足全晚 即叫即做處理咁多張單咁多野食 咁出色嘅黃店真係要去支持💛 記得去之前一定要打電話去book枱呀!!!!!!!
張貼
