影片
更多
2020-09-23
2078 瀏覽
早排突然好想食pizza🍕，見到公司附近原來都有唔少食到pizza既餐廳 ，但最感興趣既莫過於呢間隸屬Black Sheep Restaurants旗下餐廳兼全港唯一由大廚主理既拿坡里pizza店呢間pizza店最大賣點既係店內有一個意大利石磚爐，最高溫度可以去到450度，每個pizza都係接單後即場將意大利進口既配料鋪係預先搓好既麵團上，再放入磚爐裡面配以焚燒原木將烘烤大約90秒🔥拿坡里pizza既特色係批邊會烘烤至焦香但口感柔韌Q彈；呢度既pizza 最威水既係曾經被幾間紐約報社譽為「新世代最佳薄餅👍🏻」、「最佳嶄新手工薄餅👍🏻」同埋「美麗之作⭐️」，講到咁誇張唔試又點得🤣-呢度既lunch set只需 $128 (另收加一服務費)，前菜3選1有marinated beet salad / mixed greens salad🥗 / roasted sweet corn🌽，主食就係5選1既pizza一個 (無睇錯，係一個🙈)，有Marinara / Margherita / All’uovo / piccante / Brussels sprout，絕對係非常抵食!本人自問係一個大
早排突然好想食pizza🍕，見到公司附近原來都有唔少食到pizza既餐廳 ，但最感興趣既莫過於呢間隸屬Black Sheep Restaurants旗下餐廳兼全港唯一由大廚主理既拿坡里pizza店
呢間pizza店最大賣點既係店內有一個意大利石磚爐，最高溫度可以去到450度，每個pizza都係接單後即場將意大利進口既配料鋪係預先搓好既麵團上，再放入磚爐裡面配以焚燒原木將烘烤大約90秒🔥
拿坡里pizza既特色係批邊會烘烤至焦香但口感柔韌Q彈；呢度既pizza 最威水既係曾經被幾間紐約報社譽為「新世代最佳薄餅👍🏻」、「最佳嶄新手工薄餅👍🏻」同埋「美麗之作⭐️」，講到咁誇張唔試又點得🤣
-
呢度既lunch set只需 $128 (另收加一服務費)，前菜3選1有marinated beet salad / mixed greens salad🥗 / roasted sweet corn🌽，主食就係5選1既pizza一個 (無睇錯，係一個🙈)，有Marinara / Margherita / All’uovo / piccante / Brussels sprout，絕對係非常抵食!
本人自問係一個大食兼為食既女仔🤰🏻，當日食完呢餐真係飽到癲左😂 對於正常食量既女仔黎講，要獨自食晒一個pizza絕對係一項挑戰🤣
******************************
🍴Mixed greens salad🥗
預左pizza好大個想食返多d蔬菜🥬平衡就點左呢份mixed greens salad🥗做前菜，無諗過佢既size係平時出面單點一份沙律既份量
沙律雜菜預先由廚師用橄欖油mix好，簡簡單單既方法既保留到蔬菜新鮮度，又能令人越食越開胃😋
-
✨ Soppressata picante🍅🧀🌶🍕
最先上桌既係呢款義式蕃茄醬+辣肉腸既pizza，見到真身真係忍唔住講左句「好大個呀!」😱
批邊食落果然外脆而柔韌，但食慣港式pizza難免會覺得佢既餅底偏薄身，同埋因為蕃茄醬而變得又淋又軟；拎上手食既時候真係唔知應該點樣食先無咁論盡😂
味道方面，蕃茄醬酸酸地咁令人食落開胃，惟獨辣肉腸比較濃味，清淡人士可能同我一樣會覺得偏鹹同埋辣左d🤏🏻
-
✨ All’uovo🥚🥓🍕
由於呢款pizza會係面頭淋上辣椒油，落單時店員好貼心咁有問我地食唔食得辣🌶，當佢知道我地怕辣就主動提出pizza上桌時俾支辣椒油我地自己落，咁就唔驚會接受唔到😊
相比上一款pizza，呢一款食落會冇咁濃味；批底鋪上牛奶芝士🐮🧀同羊奶芝士🐑🧀，兩種芝士食落無羶味亦唔會太鹹
未食之前會覺得呢款pizza不過係上面加左隻太陽蛋🔆冇咩特別，估唔到試過之後會覺得有驚喜😳 隻煎至半熟既溏心太陽蛋🍳真係好有雞蛋味，完全係以前細個食開既雞蛋味道!!!!! 一路食我就係度好奇究竟農場蛋🥚係咪真係特別好食呢？如果可以係市面買到佢地呢款雞蛋就好啦🙈******************************
👧🏻人均消費：$128 (另+10%服務費)
😋味道指數：4/5
💰抵食指數：4/5
🪑環境指數：4/5
💁🏻♀️服務指數：4/5
👍🏻再訪指數：4/5
-
📍Motorino
地址：灣仔船街15號地下
⏰營業時間：11:00–23:00 (Mon–Sun)
(📍中環亦有分店，營業時間或會有所不同)
張貼
