汀汀烤活魚 (已結業)

早前嚟過呢度食烤魚，過左一排又去左荃灣行街，再次光顧呢度。上次已經食過烤魚，所以今次想試下新野。望下餐牌，其實除左烤魚之外，都好多其他野食。象拔蚌刺身 $118睇鋪頭名完全估唔到會有象拔蚌刺身食，而且價錢唔貴。象拔蚌刺身下面有大量冰粒，令刺身得以保持低溫，同時令既象拔蚌刺身保持住新鮮爽口既感覺，當然仲有芥辣豉油配合。羔蟹雞煲 $348雞煲真係食唔少，但羔蟹雞煲就第一次試。呢個雞煲都好大個，用既係大隻羔蟹，蟹蓋反開好多羔，對於鐘意食蟹蓋既我真係一流！雞煲煮熟之後吸收晒精華，蟹羔連雞食，一啖蟹羔，一啖雞，夠晒惹味。羔蟹同雞呢兩樣野，估唔到都夾到。估唔到呢到會諗到羔蟹夾雞煲，而且出嚟既效果都唔錯。成日以為叮叮得烤活魚食，但原來叮叮不只烤活魚。