影片
更多
2018-10-17
810 瀏覽
我同朋友共三人行，早幾天已經book左枱，到達後阿豬媽比左4人枱我地。我本諗都係一件好正常嘅事，因為食韓國菜有前菜，加上食物應該大份。但竟然要加多1個人要搭枱。真心o曬咀，食韓國菜都要搭枱，最後當然非常迫，搭枱人士的食物已經估了一張枱，我與同行朋友只上了一份醬油蟹，已經上不了我地仲有嘅4樣餸。係呢一方面我地已經覺得呢間餐廳好不濟。再講野食。我地叫左一份醬油蟹，炒年糕，泡菜豬肉湯，海鮮煎餅，同炒牛肉。由於太肚餓，所以無影相。先講醬油蟹，一份係2隻，一食落去感覺好唔新鮮，仲有一隻係無膏= =而且膏唔係我地平時食嘅橙黃色，而係顏色好淡嘅綠黃色，但尚算唔係腥。跟左個紫菜飯，但完全無麻油味，可以講係啲白飯加嘅無味嘅紫菜，普通no comments 。炒年糕，味道幾好，但份量少，好多菜，我諗成份年糕先得7-8條。泡菜豬肉湯，完全羅宋湯嘅味道，係濃味版嘅羅宋湯，如果唔諗佢本身係泡菜豬肉湯嘅話都幾好飲嘅。海鮮煎餅，呢個係成餐飯最好食嘅野，唔會話好多粉，多海鮮，有脆口感。炒牛肉又係no comments ，唔會話難食到放唔落口，但你又唔會覺得好味咁。忍唔住係到打評論，因為佢地啲服務態度係奇差，一開始要人
再講野食。
我地叫左一份醬油蟹，炒年糕，泡菜豬肉湯，海鮮煎餅，同炒牛肉。由於太肚餓，所以無影相。
先講醬油蟹，一份係2隻，一食落去感覺好唔新鮮，仲有一隻係無膏= =而且膏唔係我地平時食嘅橙黃色，而係顏色好淡嘅綠黃色，但尚算唔係腥。跟左個紫菜飯，但完全無麻油味，可以講係啲白飯加嘅無味嘅紫菜，普通no comments 。
炒年糕，味道幾好，但份量少，好多菜，我諗成份年糕先得7-8條。
泡菜豬肉湯，完全羅宋湯嘅味道，係濃味版嘅羅宋湯，如果唔諗佢本身係泡菜豬肉湯嘅話都幾好飲嘅。
海鮮煎餅，呢個係成餐飯最好食嘅野，唔會話好多粉，多海鮮，有脆口感。
炒牛肉又係no comments ，唔會話難食到放唔落口，但你又唔會覺得好味咁。
忍唔住係到打評論，因為佢地啲服務態度係奇差，一開始要人搭枱都算。落落下單，個阿豬媽可以無啦啦行開左= = 我地點知我地岩岩講嘅野佢有無落到，我地洗唔洗重新落過？
之後係一食完野就比張單你催你比錢，坐多一陣都唔得。
其實唔食罷就，真心叫人唔洗黎再排隊唔洗再食，等佢地咪再咁串。
後感：食完勁勁勁口渴，應該落左超多味精
張貼