居食屋「和民」 (已結業)

每日中午前都諗爆頭午餐食乜好, 今日有同事建議去和民, 有人提出建議唔需要自己諗就最好不過, 為方便泊車, 選擇了荃灣廣場的分店, 十二點半到, 無乜人, 即時可入座, 到離開時都只是入座七成左右, 環境唔錯, 地方大, 鯖魚燒定食, 一放落枱, 聞到有D腥, 同事話好淡, 照燒蒜香雞扒定食, 不過不失, 但薯條就唔脆, 其他都一般, 超級愛食刺生的我, 選擇了刺生冷麵&山盛香葱吞拿魚壽司, 加埋一差不多成舊水的餐, 刺生薄薄, 片吞拿魚仲要好似黑黑地咁, 以為冷麵會有醬汁撈, 誰不知, 只係將冷麵放入有少少味的所謂凍湯中, 一開始食, D刺身已經浸哂入D湯入面, 可想而知會有幾好食, 吞拿魚無乜味, 反而壽司飯可以一讚, 下次再去, 一定唔會再選擇刺身餐了, 順帶一提, 點解D壽司鼓油可以咁咸!?