塔門仔海膽燒 (已搬遷) 新店位置

平時食開串燒都去開同一間食，諗住試下新野啦，之前經過門口見到有點心郁郁想試，結果試完後，後悔黎試...首先第一樣，舖頭冇廁所、要去公廁，呢樣已經扣左分，繼而睇menu,發現選擇唔算多，而且價錢亦算貴，食左幾樣、其中一樣、流心巨菇，味道係唔差既，但$48一個我覺得超級唔值，亦唔覺得佢有幾巨。海膽多士，我完全食唔到有海膽味。燒茄子，細到完全冇野食。燒韮菜，得個咸字，除左咸，都係咸..總然之...食完完全都唔覺得自己有食過野，嬲嬲地再殺過去食開果間再食過！真心覺得呢間野完全唔抵食，除非你果期好有錢，又或者你係純粹口痕想搵野咬下，否則都可以唔洗黎，極之失望，從來未寫過食評，但呢間令我食完忍唔住要寫食評！因為真係好唔值！