影片
更多
2014-05-26
641 瀏覽
今次係第一次有衝動執筆寫食評，小妹一向都好鍾意睇openrice食評朋友寫嘅comments而揀餐廳，而今次呢間就可能食評不多而中伏今個禮拜六朋友聚會，喺大家都希望搵一間舒服嘅餐廳好好享受weekend lunch嘅情況下，我哋選擇咗呢間座落尖沙咀旺中帶寧靜嘅餐廳。 願先訂枱選擇坐室外，不過當日天氣較熱所以轉咗入室內，不過室內冷氣都不大，餐廳環境寧靜人客不多，眼見室內有兩、三台客，有一兩台係外國遊客。由於頭盤同甜品都係自助形式，所以坐低冇耐就急不及待睇吓有咩吸引嘅選擇。 一行到buffet枱，未被食物吸引，已經被周圍嘅蚊滋嚇親 無論冷盤、沙律、芝士枱、甜品全部都冇蓋遮蓋，任由蚊滋在上空或是食物上走動 為咗不消雅興，都唯有盡量撥開啲蚊滋，當睇唔到以呢個價錢，選擇真係唔算多，冷盤枱上放咗3盤冰，左右兩盤冰上每邊放咗6,7隻生蠔、中間放著數隻長腳蟹，青口，蝦同小龍蝦生蠔一般，每次refill要主動同職員講先會refill，連檸檬都係……，長腳蟹偏鹹，所以食咗一隻已經冇興趣，冷盤枱上冇提供剪蟹腳較剪，都係要主動同職員講先提供，小龍蝦同青口都一般，所以都只係各食咗一隻沙律ok，芝士就唔敢
今個禮拜六朋友聚會，喺大家都希望搵一間舒服嘅餐廳好好享受weekend lunch嘅情況下，我哋選擇咗呢間座落尖沙咀旺中帶寧靜嘅餐廳。 願先訂枱選擇坐室外，不過當日天氣較熱所以轉咗入室內，不過室內冷氣都不大，餐廳環境寧靜人客不多，眼見室內有兩、三台客，有一兩台係外國遊客。
由於頭盤同甜品都係自助形式，所以坐低冇耐就急不及待睇吓有咩吸引嘅選擇。
一行到buffet枱，未被食物吸引，已經被周圍嘅蚊滋嚇親 無論冷盤、沙律、芝士枱、甜品全部都冇蓋遮蓋，任由蚊滋在上空或是食物上走動 為咗不消雅興，都唯有盡量撥開啲蚊滋，當睇唔到
以呢個價錢，選擇真係唔算多，冷盤枱上放咗3盤冰，左右兩盤冰上每邊放咗6,7隻生蠔、中間放著數隻長腳蟹，青口，蝦同小龍蝦
生蠔一般，每次refill要主動同職員講先會refill，連檸檬都係……，長腳蟹偏鹹，所以食咗一隻已經冇興趣，冷盤枱上冇提供剪蟹腳較剪，都係要主動同職員講先提供，小龍蝦同青口都一般，所以都只係各食咗一隻
沙律ok，芝士就唔敢攞，因為真係太多蚊滋朋友停喺上面談心
Main courses整體嚟講都比較一般同埋淡味，魚係最好味，risotto、羊同豬都偏淡。席間仲有蚊滋飛落我嘅橙汁入面，因為當時冇諗過要寫食評，所以只叫職員換過一杯就算。
甜品其實都好好味，我本身都唔係好甜品嘅人，不過都覺得好好味，只係都係太多蚊滋，令你唔會太有興趣再攞。順帶一提：餐廳提供嘅匙羹喺放唔入布甸樽內，可以用叉或者要求職員拎一隻細匙羹比你。
整體嚟講，餐廳比人嘅感覺似比人觀賞多過真係食嘢，因為基本嘅衛生意識同工具都欠奉，除咗蚊滋周圍喺你身邊飛舞或者分享食物之外，職員眾多但係欠缺主動，所以試過一次就夠。
張貼
