影片
更多
2015-08-11
324 瀏覽
狂隊韓燒，送別樓奴朋友後，其他飲食戰友耳猶未盡提意「飯後甜品」一下，早排留意過呢間甜品，曾居於排位榜三甲一段時間，想試但永遠都唔記得，橫掂大家無任何反對，兩車六人馬上絶塵而去！十點零鐘，正値香港人甜品時間，門外約六七人排隊，等了唔冼十分鐘就被安排店裡面最盡位置，佢嘅間局係中至開放式廚房前後廳面坐人，老友們坐低左己經喺9秒9揀左獵物，menu以小型相薄設計，全部甜品相同食物到枱一樣，擺盤還算精美，因為店員說明有最低消費關係，所以嗌左人頭一甜品share大家試。芒果拿破崙，留意到酥皮面拍左糖粉至焗，所以表面好脆，但係店方就應該無諗到甜度嘅增幅，除左芒果有芒果味，其他就得個甜字！拖肥暖泡布甸，可能多客人關係，泡泡黎到已經係凍嘅，杯下面俆睇到有幾層野，但係我同班戰友都只係食到一個味，Bailey's味道太霸氣啦，完全食唔到有其他味道！招牌Test Tube,呢個甜品成為左我唔會再黎嘅原因，因為得兩個字黎形容「搵笨」，試管上菜量小，每人得一小啖，青瓜味淡如水，伯爵奶凍偏苦，面嗰層泡又係Bailey's, 最後嗰支只有酸味，但就唔知咩味！最後一個甜品，唔記得咩紫薯甜品，紫薯蓉濃郁，唔太甜啱啱好，但
狂隊韓燒，送別樓奴朋友後，其他飲食戰友耳猶未盡提意「飯後甜品」一下，早排留意過呢間甜品，曾居於排位榜三甲一段時間，想試但永遠都唔記得，橫掂大家無任何反對，兩車六人馬上絶塵而去！
十點零鐘，正値香港人甜品時間，門外約六七人排隊，等了唔冼十分鐘就被安排店裡面最盡位置，佢嘅間局係中至開放式廚房前後廳面坐人，老友們坐低左己經喺9秒9揀左獵物，menu以小型相薄設計，全部甜品相同食物到枱一樣，擺盤還算精美，因為店員說明有最低消費關係，所以嗌左人頭一甜品share大家試。
芒果拿破崙，留意到酥皮面拍左糖粉至焗，所以表面好脆，但係店方就應該無諗到甜度嘅增幅，除左芒果有芒果味，其他就得個甜字！
拖肥暖泡布甸，可能多客人關係，泡泡黎到已經係凍嘅，杯下面俆睇到有幾層野，但係我同班戰友都只係食到一個味，Bailey's味道太霸氣啦，完全食唔到有其他味道！
招牌Test Tube,呢個甜品成為左我唔會再黎嘅原因，因為得兩個字黎形容「搵笨」，試管上菜量小，每人得一小啖，青瓜味淡如水，伯爵奶凍偏苦，面嗰層泡又係Bailey's, 最後嗰支只有酸味，但就唔知咩味！
最後一個甜品，唔記得咩紫薯甜品，紫薯蓉濃郁，唔太甜啱啱好，但連埋下面嗰塊meringue,又一次過甜之作，提一堤上面黃色嘅雪糕，戰友們都食唔出係咩味道，如店方可改一下做帶酸味嘅雪筢，成件事就可以變得好好多！
另外兩個甜品戰友自私食，所以無試，但佢地嘅意見都係話過甜！
期望太高，失落感擴大，名大於實，希望店方留意下甜品甜度嘅平衡，價錢平均$50-60算貴，擺碟精美，新黎試食可以影下相滿足下，但論味道，我相信唔會吸引到我再黎食！
張貼
