橫濱日本料理 (已結業)

今日去完禾輋探親戚，諗住同媽咪一齊食埋飯先返屋企，去到二樓見到有日本野，細睇原來係放題店，媽咪話OK呀不如試下，咁我地就入去啦！星期一5點半入座收費148一個另加一，唔貴！快啲睇下有咩食先！可能天氣太熱，間野無冷氣，媽咪一邊食一邊流汗，唔係好舒服。魚刺身賣相很差，是瘀白色，一啲光澤都無，感覺好唔新鮮，食落都係霉霉地既味。人地帶子刺身一片片嘛，佢切到一粒粒，仲細過個五毫子！廚房排列得唔靚，好似一堆亂石咁任堆，反而三文魚，吞拿魚咁一片片好靚。帶子只有雪味，無其他味了。吉烈炸蠔感覺唔係原隻蠔，係平日蠔餅既蠔仔，粉多食落成擔油。反而燒物中七味雞軟骨比較好食，炸得好香又夠味！飲品叫左熱柚子蜜，柚子唔夠，唔甜。雀巢雪糕最好食啦..由於大汗疊細汗，無心機影相，下次都係同媽咪返屋企食飯！