影片
更多
2017-08-14
259 瀏覽
朋友生日，一行十二人加二個BB 去慶祝。提早二日去訂位，當日訂六點半，六點半就打黎吹我地到未，但其實因為佢地入口不在雅蘭中心，我地行佐大半個圈先到目的地。去到再同佢地講係open rice download 佐優惠卷，佢話要print 出黎先得，結果二set 野無得送。十分失望。去到門口位同事帶我地去間房，完全唔知點放2張BB 櫈，放得BB 櫈又坐唔落大人…最後迫住每邊坐六位大人，主席位2大2細坐早知如果咁迫我地就唔會選擇呢間。之後我地十二個人，得二個爐，個爐仲要好細，放三塊扇貝已經放唔落其他野野食種類都好多，可能都知啲人都唔會夠飽，有拉麵，烏冬同飯比人點。我地班大人基本上一人一碗都走唔甩，否則真係餓住走。牛肉粒咬唔開，羊架so 到無朋友牛舌算是最好食，送的大蝦好多肉不過我地十二個人得四隻。唔夠就自己落其他海蝦刺身都唔想提…每款叫10黎到好似就真版咁，勁細塊又細隻仲要黎得慢叫三轉黎一轉，吹完又吹又吹炸物落三張黎一次…仲要我地坐房真係搵個人幫都無出面有啲好簡單既沙律吧，生果有西瓜同菠蘿生果都甜同多汁不錯。芝士蛋糕…冰的。野飲方面都多選擇最後我地係不知不覺已經燒佐二個鐘…大家都唔知食過乜野
提早二日去訂位，當日訂六點半，六點半就打黎吹我地到未，但其實因為佢地入口不在雅蘭中心，我地行佐大半個圈先到目的地。去到再同佢地講係open rice download 佐優惠卷，佢話要print 出黎先得，結果二set 野無得送。十分失望。
去到門口位同事帶我地去間房，完全唔知點放2張BB 櫈，放得BB 櫈又坐唔落大人…最後迫住每邊坐六位大人，主席位2大2細坐早知如果咁迫我地就唔會選擇呢間。
之後我地十二個人，得二個爐，個爐仲要好細，放三塊扇貝已經放唔落其他野
野食種類都好多，可能都知啲人都唔會夠飽，有拉麵，烏冬同飯比人點。我地班大人基本上一人一碗都走唔甩，否則真係餓住走。
牛肉粒咬唔開，羊架so 到無朋友牛舌算是最好食，送的大蝦好多肉不過我地十二個人得四隻。唔夠就自己落其他海蝦
刺身都唔想提…每款叫10黎到好似就真版咁，勁細塊又細隻仲要黎得慢叫三轉黎一轉，吹完又吹又吹炸物落三張黎一次…仲要我地坐房真係搵個人幫都無
出面有啲好簡單既沙律吧，生果有西瓜同菠蘿生果都甜同多汁不錯。芝士蛋糕…冰的。野飲方面都多選擇
最後我地係不知不覺已經燒佐二個鐘…大家都唔知食過乜野已經要被趕走。其實果啲職員已經好好咁安排我地坐多20分鐘…同埋比2張BB 櫈我地…但服務態度有待改善。
總括而言，沒有下次。如果想食刺身同炸物係旺角黎講真係是但一間都可以好過呢到。燒肉方面呢個價錢真係可以搵更好。
張貼
