반찬앤쿡 Banchan and Cook (東薈城名店倉)

營業中

休息中

係ig見到有人推介呢間餐廳，睇落好似唔錯咁，點知食落非常失望。✨烤牛肉蛋包飯一上到黎，店員會幫你切開個蛋，等佢包住啲飯，睇落好靚，但點咁一食落去發現啲蛋同飯都係唔熱既。雞蛋食落滑身，有少少牛奶香，但係冇咩味道，啲飯都一樣冇咩味，要加埋烤牛肉食。烤牛肉調味偏咸，甜甜地，唔知係咪因為係唯一一樣熱既野，所以食落都唔錯。✨無骨甜辣炸雞（半份）同樣既，啲配料都係唔熱既，姐係上面既年糕、薯條都唔熱。炸雞味道唔錯，外層好脆，但係裏面既雞肉唔係特別嫩滑多汁，相對其他韓國餐廳黎真，遜色太多。✨烤朱古力棉花糖之前係其他餐廳食過覺得好好食，點知呢到勁失望！外面食既個啲棉花糖係焗到好脆，入面融哂近乎流心，但呢到既棉花糖唔夠熱，出面只有少少脆入面唔夠融。而且其他餐廳既棉花糖下面鋪左一層好厚既黑朱古力，可以減輕棉花糖既甜膩感，但呢到既朱古力除左上面少少裝飾用既醬之外，其他都失左蹤，淨係有好多消化餅碎鋪底，食完好滯。