L'Eclair de Genie (已結業)

平時成日經過其他分店都無試過，今次睇完戲想搵個甜品食下，一於就試下呢個閃電泡芙有幾巴閉。去到個櫃見到得五六款味道，最後揀左Lemon Yuzu同Pistache Orange。檸檬同柚子一向都係絕佳拍檔，配埋一齊清新得黎唔會過於甜膩，亦因為咁所以無太大驚喜。反而開心果加橙味呢個配搭就有D新奇，平時食開心果雪糕食多兩啖就唔想食，因為太heavy。呢條野(實在諗唔到個更好既量詞)中間個cream用橙味黎中和番，味道出奇地夾。從味道上黎講絕對係無可挑剔，但係口感---係腍既，一啲酥脆既感覺都無。唔知係佢擺耐左定係傳统係咁，但呢個係佢最大既敗筆。因為本身都無乜期望，所以都未算失望。以四五十蚊一條既價錢黎講，我覺得日式泡芙比佢更加好食+抵食。