影片
更多
2024-11-14
3455 瀏覽
可以一班朋友一齊邊唱K邊食飯既餐廳 -The Wall Street Bar & Lounge最近朋友生日去咗The Wall Street Bar & Lounge慶祝，呢度可以預早BOOK到私家房，有K唱，真係好意外地開心！The Wall Street Bar & Lounge 位於尖沙咀，超方便，好啱朋友聚會同埋輕鬆飲嘢嘅地方。呢間餐廳嘅裝潢帶歐洲風格，環境暗黑地浪漫，我地間私家房設左係一個以書架布置成既隱密通道下，唔係人地指引一定搵唔到個入口。餐廳不單止提供好味同賣相好睇既食物，仲有各式各樣既創意飲品，我同朋友們就試咗13款食物，強烈推薦以下幾款 : 蟹膏蟹肉意大利飯 $158加入大量蟹膏令醬汁超濃郁，一絲絲蟹肉佈滿整個意大利飯，濃郁又creamy！香辣雞翼 $88好味又性價比高！滿滿一大份嘅雞翼共有八件，單骨處理更方便食用，新鮮即炸香脆可口，微辣口味配酒一流！海膽芝士白汁焗廣島蠔🦪 $108芝士白汁好滋味，廣島蠔大約有七至八隻，好味十足飲品必叫 :LOST STAR $78呢杯季節限定嘅Lost Star充滿住水果同清新花香🌸，有濃厚夏日氣息☀️，除咗有粒粒百香果之外，仲有青
最近朋友生日去咗The Wall Street Bar & Lounge慶祝，呢度可以預早BOOK到私家房，有K唱，真係好意外地開心！
The Wall Street Bar & Lounge 位於尖沙咀，超方便，好啱朋友聚會同埋輕鬆飲嘢嘅地方。呢間餐廳嘅裝潢帶歐洲風格，環境暗黑地浪漫，我地間私家房設左係一個以書架布置成既隱密通道下，唔係人地指引一定搵唔到個入口。
餐廳不單止提供好味同賣相好睇既食物，仲有各式各樣既創意飲品，我同朋友們就試咗13款食物，強烈推薦以下幾款 :
蟹膏蟹肉意大利飯 $158
加入大量蟹膏令醬汁超濃郁，一絲絲蟹肉佈滿整個意大利飯，濃郁又creamy！
香辣雞翼 $88
好味又性價比高！滿滿一大份嘅雞翼共有八件，單骨處理更方便食用，新鮮即炸香脆可口，微辣口味配酒一流！
海膽芝士白汁焗廣島蠔🦪 $108
芝士白汁好滋味，廣島蠔大約有七至八隻，好味十足
飲品必叫 :
LOST STAR $78
呢杯季節限定嘅Lost Star充滿住水果同清新花香🌸，有濃厚夏日氣息☀️，除咗有粒粒百香果之外，仲有青檸同橙嘅酸甜香味🍊，當中加咗接骨木花嘅Tonic water，每啖都有好Gur嘅碳酸滋味，飲完好解渴😌
Pina Colada $88
有驚喜 我中意個椰子味好突出 好fresh🤩
提一提醒BOOK房既話最低消費要$3000而家只要提前一天預先訂枱🥳客人可以享受到餐廳特別既驚喜禮遇！無論係慶祝生日定周年紀念，餐廳將為客人送上精心製作既是日甜品🍮仲為您插上煙花蠟燭🎂📸再由影相一流既職員為客人同親朋好友拍照留紀念
The Wall Street Bar & Lounge 有特意安排生酮類食品供客人選擇，並標示係餐單內，減肥中既你務必一試餐廳係一個放鬆同享受美食嘅好地方，大家可以放工後黎飲一杯！
The Wall Street Bar & Lounge
地址 : 尖沙咀金巴利道40號MW Plaza1樓
訂座電話 : 23896018 / 9143 4825
營業時間 : 12:00-01:00（週一至五）16:00-02:00（週六日）
張貼
