吱吱朕 (已結業)

呢間餐廳喺OpenRice上面已bookmark左好一段時間，畢竟佢個餐廳名幾得意，餐牌係一道聖旨，趣味十足。叫咗個表哥薯條做小食，薯條新鮮熱辣上枱，脆卜卜，醬汁都好多夠惹味，份量大，其實食到一半都已經覺得飽。主食叫咗個牛魔王，其實只係普通嘅牛肉飯，同平時一般餐廳食嘅日式牛肉飯差別唔太大，可以唔使試都得。串燒方面就係厚切牛脷同雞軟骨，牛脷厚身食落有口感，唔會韌；雞軟骨脆口，但冇乜特別。相比起食物，佢嘅Cocktail比較吸引，味道都更引人入勝。餐廳唔算大，座位都比較擠擁，枱都比較細，我同朋友兩個人嗌左六樣嘢食，但食得都比較趕，因為都怕下一道菜上枱時冇地方擺。