度小月 (海運大廈) (已結業)

很久無得去旅行、很懷念台灣美食、特登去海港城度小月懷念一下😊到店時系11点钟仍然未開門、唯有行下街先。大约12点回到度小月、已經坐滿一半客人、店舖面積不大有少少古舊的台灣味道、好肚餓急不及待order食物。👆安平鮮蚵湯、個名字真係有啲奇怪、其實入面係一啲豆腐切咗粒粒加埋嗰啲小蠔仔造成嘅湯、都幾清甜又充滿海鮮味都幾好飲👍👍👍烤紹興香腸、个人口味都不大喜歡、但今次切成細細片夾埋啲生蒜片一齊食、又几特別喎同好食。祖傳肉燥飯係我嘅至愛、可惜份量少咗啲、咸度適中、好味😋台灣鹵豬手同港式豬手都有啲分別、食落去一啲都唔油膩、煙煙靭靭、好有咬口、同花生係絕配。蚵仔酥系用細隻蠔酥炸而成並配上椒鹽、味道正正常常不過就比較熱氣。黃金蝦卷咬落去入面系用蝦同碎豬肉、用脆漿包住来炸、由於脆漿比較厚冇左鬆脆嘅感覺、質感麻麻、可以不試。