越中意

營業中

休息中

今晚得我一個人，就搵埋媽咪食飯，佢話要去北角，我就去北角搵嘢食啦！🥰呢間越南餐廳應該開咗冇幾耐，因為舅母話佢上次嚟仲係一間雲吞麵舖🍜。餐廳提供唔同套餐，三個女人叫咗個二人餐，再加其他食物。二人餐包一個頭盤，我要咗春卷，跟馬拉盞通菜，一個雙拼小食，再加兩個湯粉。因為媽咪唔食牛，所以叫咗豬扒同扎肉，另外再叫咗個豬肉粉包。小食雙拼要豬頸肉拼蝦餅。舅母想食軟殼蟹，就叫個軟殼蟹米紙卷，各樣食物正常發揮。不過個米紙卷可以加多啲蔬菜，佢全部係檬粉，所以好鬼飽😵‍💫😅豬肉粉包幾好食😋👍🏻佢仲拼多幾片扎肉，賣相唔錯！🥰飲品包普通熱飲，凍飲加$3，我叫咗個鹹檸梳打要$25。