麥當勞

營業中

休息中

見麥當勞有新出嘅蕃茄蛋豬扒包，就去試一試，因為本身我都好鍾意食焗豬扒飯！一個餐唔加大唔要shake shake薯條要三十九蚊，比起啲二十五蚊餐偏貴，除咗蕃茄蛋豬扒包外，原來仲有個新嘅黑糯米批😍仲有童年回憶嘅雲呢拿奶昔🤤一於全部試晒佢！阿張點餐👦🏻 $39 蕃茄蛋豬扒包餐 +$2.5 雲呢拿奶昔評分（10分滿分）：7️⃣食評💬：個包嘅包裝盒幾靚，不過個包嘅賣相就同廣告相差好遠！好彩味道算唔錯，豬扒係厚切，蕃茄洋蔥汁都算夠，唔好太乾。而奶昔就飲返兒時嘅味道，好似飲緊個雲呢拿雪糕咁，偏甜。$8 黑糯米批評分（10分滿分）：7️⃣食評💬：黑糯米好足料，好有咬口，醬汁略嫌不夠，有少少乾，不過都好食。