影片
更多
2020-11-28
1410 瀏覽
餐前小食。好味既，又夠靚還可以，無話好好味。鰹魚，我覺得腥；同行既人唔覺。海膽魚子，咁嘅組合係係度食啲食材既感覺，就算佢有撻皮同埋啲白醬都唔係太似一道菜既感覺。靚材料冇可能唔好味嘅，我就覺得普通。牛肝菌，好味。佢仲配上兩種提子，甜甜地。諗返呢間野真係好鍾意甜味😂薯蓉調味好輕，白松露批落嚟果下香，食落無特別。淨係記得係一道好淡味既菜好滑既魚柳。 有啲nuts 蛤類既野，個南瓜醬好甜。 救命😂後尾諗返起呢間真係太重嘅甜味比例我無食，唔敢食鹿肉😅一定有既一道甜品，好味既，但我唔鍾意甜野，食左五分一都係食好少，六分一😂個餐仲包呢啲甜品痴線😂😂😂超多甜品，個蛋糕仲幾大下，同行人勉強都有食啲，因為唔係直接返屋企，無打包。如果係直接返屋企，個撻同埋蛋糕都會打包走。其實就算我唔太鍾意食甜品，佢嘅甜品都高質嘅。係食過法國菜最後嘅甜品黎講，真算高質。我自己每樣野都食少少，甜品更加食得少，搞到走嗰陣時係唔飽既，因為我個人唔鍾意酸種麵包，只食左一啖試試味（同行人勁飽，因為佢有食晒啲甜品，除左最後三樣甜品），食完之後我即刻去麥奀食碗雲吞水餃麵🤣食麵個時先睇單，天呀。我以為果汁唔洗錢既，等我仲只係飲咗幾啖，我以為
餐前小食。好味既，又夠靚
還可以，無話好好味。
鰹魚，我覺得腥；同行既人唔覺。
海膽魚子，咁嘅組合係係度食啲食材既感覺，就算佢有撻皮同埋啲白醬都唔係太似一道菜既感覺。
靚材料冇可能唔好味嘅，我就覺得普通。
牛肝菌，好味。佢仲配上兩種提子，甜甜地。諗返呢間野真係好鍾意甜味😂
薯蓉調味好輕，白松露批落嚟果下香，食落無特別。
淨係記得係一道好淡味既菜
好滑既魚柳。 有啲nuts 蛤類既野，個南瓜醬好甜。 救命😂
後尾諗返起呢間真係太重嘅甜味比例
我無食，唔敢食鹿肉😅
一定有既一道甜品，好味既，但我唔鍾意甜野，食左五分一
都係食好少，六分一😂
個餐仲包呢啲甜品
痴線😂😂😂超多甜品，個蛋糕仲幾大下，同行人勉強都有食啲，因為唔係直接返屋企，無打包。如果係直接返屋企，個撻同埋蛋糕都會打包走。
其實就算我唔太鍾意食甜品，佢嘅甜品都高質嘅。
係食過法國菜最後嘅甜品黎講，真算高質。
我自己每樣野都食少少，甜品更加食得少，搞到走嗰陣時係唔飽既，因為我個人唔鍾意酸種麵包，只食左一啖試試味（同行人勁飽，因為佢有食晒啲甜品，除左最後三樣甜品），食完之後我即刻去麥奀食碗雲吞水餃麵🤣
食麵個時先睇單，天呀。
我以為果汁唔洗錢既，等我仲只係飲咗幾啖，我以為係welcome drink個類。
同埋水，唔記得個侍應問我要sparkling water,定mineral water,我個下呆下呆下要左呢啲水，如果有下次一定問有無tap water唔洗錢個種。
水我都只飲左半杯😭😭😭😭😭內心哭泣
同埋服務算好既，但我唔鍾意係香港要用英文點菜，交流。之後見到serve我地個個人同人地講廣東話，個下呆左，因為佢係一直keep住同我哋講英文嘅。
如果我同同行嘅人都用英文傾計就話姐。
但餐飯都講到一大半，就繼續同佢用英文「講」埋餐飯佢。我個人覺得咁怪怪地😅
等我仲以為個侍應係新加坡或者其他國籍嘅人。
因為睇評論話甜品好多，越睇得多越掙扎好唔好取消咗個booking佢，算啦，照一試無妨。整體嘢食都唔差嘅，但係性價比好低，咁嘅價錢，有好多好味過佢同平過佢既。
可以一試既，食完唔會嬲同失望。
張貼
