生隆餅家 (已搬遷) 新店位置

經過呢間深水埗傳統餅家，買咗啲傳統餅家先見到嘅糕點，雞屎籐、雞仔餅、花生糖、燒餅、同埋生薑皮蛋酥。生薑皮蛋酥買返嚟仲係熱嘅，見到好多街坊都買，自己都唔執輸買返一個，返到去食嘅時候皮蛋係實淨嘅，而生薑攝咗喺啲酥皮裏面，感覺有層次，雞屎籐比較失望，應該係落粉太多，所以冇咗雞屎籐獨有嘅苦澀味，而質感都好粉，所以應該唔會再encore，花生糖脆口，麥芽糖沒有一貫的死甜，加埋吵過嘅黑芝麻，口感好香，令人一食再食。