水蜜桃冰室 (已結業)

同朋友睇完戲就到隔離嘅女人街覓食，冇咩特別想食，所以就周圍睇下先，見到水蜜桃冰室個名幾得意，野食又幾多款式就入左去試下啦，焗飯、意粉、扒餐都有。我就叫左個焗鮮茄豬扒拼芝士石斑飯，而朋友就叫左個鐵板牛扒，好似都唔錯，不過佢太餓，我未影得切佢就己經食緊了。我個焗飯50蚊就包哂蒜蓉包、餐湯、野飲同個飯。蒜蓉包同餐湯好快就黎，一黎到有啲嚇親，明明我叫白湯，點解會係綠色嘅，心諗唔係菠菜掛... 好彩飲落去係正常忌廉湯味，一啲菠菜味都冇，係顏色唔同姐。個焗飯就正正常常啦，兩種口味，一半茄汁，一半白汁，兩面都不過不失，鍾意食焗飯都可以黎試下。