影片
更多
2009-01-12
9 瀏覽
昨天晚上一行三人走去萬發打邊爐, 8點半到達門口已經見到10幾個人排隊, 心諗咁多人係咪真係咁掂先, 終於等咗半個鐘有多先等到張要搭枱的大枱, 係樓上環境都唔係差, 樓底高, 抽風系統良好, 光猛的燈光, 有電視睇, 地方乾淨.環顧四周, 大多數都係一班後生仔女又或者一家大細客人居多, 而且員工上下都用免提做內部通訊, 所以維持啲食客埋單入枱秩序都算井井有條.一坐底就叫咗個番茄豬骨湯底, 佢地都好快手, 個底好快就送上, 我覺得佢地個湯底最特別係有好多骨頭係入面, 夠晒份量. 跟住我地叫咗雪花肥牛, 魚皮餃, 大魚頭, 豆腐, 竹笙, 西洋菜呢啲生料, 又叫咗雞軟骨同小炒王兩味餸. 基本上我認為佢地呢啲每樣料族樣計錢方式的打邊爐舖頭黎講, 其實係無甚特別的, 無話有邊種特別賣點的特式菜做綽頭, 不過如果純以食得開心又放心黎講, 都覺得呢度都可以介紹朋友黎o既.
環顧四周, 大多數都係一班後生仔女又或者一家大細客人居多, 而且員工上下都用免提做內部通訊, 所以維持啲食客埋單入枱秩序都算井井有條.
一坐底就叫咗個番茄豬骨湯底, 佢地都好快手, 個底好快就送上, 我覺得佢地個湯底最特別係有好多骨頭係入面, 夠晒份量. 跟住我地叫咗雪花肥牛, 魚皮餃, 大魚頭, 豆腐, 竹笙, 西洋菜呢啲生料, 又叫咗雞軟骨同小炒王兩味餸.
基本上我認為佢地呢啲每樣料族樣計錢方式的打邊爐舖頭黎講, 其實係無甚特別的, 無話有邊種特別賣點的特式菜做綽頭, 不過如果純以食得開心又放心黎講, 都覺得呢度都可以介紹朋友黎o既.
張貼