北料南麵 (已結業)

喜歡吃酸辣麵的我，有次經過九江街買完雞蛋仔，聞到陣陣開胃的酸辣味，就被吸引左去揾究竟味從哪裡來，最後發現左呢間個名好得意既餐廳叫北料南麵！一直都將餐廳的名字記住，直到早幾天，午餐同同事去開呢邊，就建議不如去食下。去到的時間，鋪頭剛開門，待應姐姐非常忙碌，都等了一段時間先有得落單，選擇眾多，除左麵之外都有飯供應！我同同事都不約而同點左招牌麻辣牛腩麵，仲有一份蒜泥白肉share, 可能剛開門的關係，上麵的時間稍嫌長了一點，麵嚟到記的撈起，麻辣味滿滿的從碗中跑出來，牛腩煮的淋同入味，麻辣湯底令人開胃！麵都煙韌彈牙，整體來說不錯！只時份量建議再多少少就更好！麻辣係真材實料，食到我額頭冒汗！蒜泥白肉係手工式，份量不多食刀工為主，每片白肉都夾了片青瓜，基本上2人share ,每人都係食得幾片！味道就無咩特別！