少爺18 (已結業)

OT完同同事落左少爺18食新加坡菜，呢到都幾大，坐得舒服。去親新加坡，必試嘅除左海南雞，就係肉骨茶。今次人少少，我地試左肉骨茶先。其實唔做老細都可以撈起嘅，三文魚，青瓜絲，炸芋頭絲，柚子，蘿蔔絲，蛋絲，一大堆頭撈埋一齊，冷盤黎講幾清新，幾款材料都夾，開胃菜。肉骨茶有2款，另一款係新加坡肉骨茶（白胡椒蒜頭），有微辣，因為胡椒味重。個人喜好藥材味，排骨好淋，肉同豆卜都好入味。豬脾骨不嬲係我至愛，煮得岩岩好，加埋配菜薯仔，洋蔥，紅椒，青椒都好有馬來咖哩味。 誰說咖哩一定配白飯，呢個酥餅好軟熟，撕開點汁好正，我會選擇點馬來豬脾骨個咖哩汁。