川香苑麻辣雞煲火鍋 (已搬遷) 新店位置

我係見網友推介先黎試既，本身諗住環境一般，因為通常火鍋店睇落都會比較污糟，不過好彩呢到衛生情況幾好，女仔唔洗怕。由於知道呢到最出名係麻辣雞煲，雖然我同朋友們都唔太食得辣，但都叫左個小辣既雞煲試試，食落係麻多過辣，好濃味，湯唔會油淋淋，依家出面實在太多整到辣多過麻，所以我覺得呢到既水準唔錯。其他火鍋配件都還可以，而且食物好快就黎到，唔洗等好耐。