Cafe 1950歐陸餐廳 (已結業)

平時就好少去馬鞍山食飯，呢日同一個住馬鞍山既朋友，係佢屋企樓下試左呢間歐陸餐廳。適逢聖誕，間餐廳都佈置左D聖誕裝飾，有棵雪白色聖誕樹係出面，仲有其他飾物，都算幾有聖誕氣氛。其實我同我朋友都冇食過呢間野，拎起個餐牌，就求其根據自己口味叫左幾樣野食。呢個芝士汁海鮮配德國農夫包，雖然賣相好似有D奇怪，但係將D海鮮塞哂落個包都幾特別，個芝士汁唔太濃唔會好膩，D海鮮都正常，加上我本身鐘意食芝士，所以都覺得呢個唔錯。呢隻雞黎到果時其實真係有D驚喜，我未試過見到成隻雞咁樣上，食落雖然唔係太特別，同一般烤雞差唔多，但係勝在夠多汁，而且賣相羸哂，都值得一試！為左填肚，梗係要叫個飯，個飯一黎到，其實我嫌佢份量少左D，可能因為我諗住靠呢個飯食到好飽好飽啦。其實我就冇食過黑松露，所以都唔識評價，但係個飯都幾香，D汁都有幾重既海鮮味。最後呢個青口，其實我就冇咩期望，因為係其他餐廳都成日會食到青口，大約估都估到係咩味。一如所料，呢個青口味道正常，不過勝在質感夠好，唔會覺得好韌好難咬，而且都入味，唔會覺得D汁同個青口係分開。總括黎講，呢餐其實唔錯，味道同賣相都幾好，不過價錢就可能貴少少，但係間唔中食貴D都冇所謂啦，