元祖和風食堂虎藏

營業中

休息中

放工同朋友食個過飯，就試下間都算新開既日本野食，元祖和風食堂虎藏。我叫左海鮮冷麵同埋個牛肉薯餅。海鮮冷麵主要有三樣主菜，分別係蟹肉，三文魚籽，帶子刺身。賣相都唔錯架，因為有五顏六色，酸菜有青瓜絲，蕃茄，粟米，海紫菜。個麵本身冇咩味，佢俾左兩碟醬汁，芥末同沙律醬。我淨係用左沙律醬撈，感覺都ok既。我對蟹肉同三文魚籽既分量都幾滿意，但帶子刺身方面就有所保留，份量唔多仲要切粒，如果可以俾到完整兩粒帶子我我就滿足架啦其實。個牛肉薯餅幾好，$10價錢合理。薯餅裹面啲薯仔夾雜著牛肉粒仔。總結：可以再食，但我唔會再食海鮮冷麵。