海街丼 (海光街) (已搬遷) 新店位置

你兩公婆成日喺太古坊附近搵嘢食，成日經過呢間魚生飯，但係佢哋逢星期日都休息。今次我哋終於試到佢哋啦。入去之前嗰啲其實都有少少猶豫，但係咁岩有客人係入邊出嚟，我哋問佢啲魚生新唔新鮮？佢就大讚好味抵食👍🏻 咁我哋即刻信心大增啦，即刻入去試一試。鋪頭入邊裝修得好warm，佢嘅價錢真係好親民，我哋叫咗海宝丼(特上)，入面有海膽，三文魚子，蝦，吞拿魚等等，魚生係新鮮，但係份量不算太多，因為佢係魚生同飯中間鋪左一層熟嘅螺肉。我覺得呢層螺肉係有少少影響個飯嘅，所以唔夠滿足總括來講，如果嫌太古城中心入面嗰間貴的話，應該過嚟呢度食，但係我之前介紹尖沙咀嗰間嘅性價比及好味程度較高。