影片
更多
2019-09-28
888 瀏覽
近年旺角黑布街多左好多野食，行過見到The Italian Club 有50% off，pizza & noodle 都自家製，晚餐就係呢到食！喺門口望入去已經覺得裝修唔錯，主調用黑色有格調，椅會有cushion，食完可以靠住cushion傾計幾relax。 可惜枱同枱之間嘅距離比較貼。餐廳始終位於內街，8:30pm都有唔少空枱，職員安排我哋坐喺門口靠窗位置。內街街上人流較少，望住街景都幾寫意。睇返Menu，提供嘅種類都唔少，除咗自家製noodle 同pizza，仲有意大利雲吞。原本想叫deep fried pizza試下咩泥，但原來餐廳冇提供。落完order，會送上welcome drink(當日係Rose wine)，送嘅味道當然唔會係特別好飲，可以接受啦。重點係成件事即刻high end 咗😂唔知係咪改咗，當日冇食評上寫咁提供麵包。上菜速度都算快，整體味道都算唔錯～TAJARIN PESTO: 本身好鍾意食Pesto意粉，加埋芝士一流。個人覺得呢間餐廳Pesto sauce herbs味道比較突出，掩蓋左自家製麵條嘅蛋味。點解叫麵條唔係意粉？因為餐廳嘅麵條係港式粗麵形狀，但口感係
喺門口望入去已經覺得裝修唔錯，主調用黑色有格調，椅會有cushion，食完可以靠住cushion傾計幾relax。 可惜枱同枱之間嘅距離比較貼。
餐廳始終位於內街，8:30pm都有唔少空枱，職員安排我哋坐喺門口靠窗位置。內街街上人流較少，望住街景都幾寫意。
睇返Menu，提供嘅種類都唔少，除咗自家製noodle 同pizza，仲有意大利雲吞。原本想叫deep fried pizza試下咩泥，但原來餐廳冇提供。
落完order，會送上welcome drink(當日係Rose wine)，送嘅味道當然唔會係特別好飲，可以接受啦。重點係成件事即刻high end 咗😂
唔知係咪改咗，當日冇食評上寫咁提供麵包。
上菜速度都算快，整體味道都算唔錯～
TAJARIN PESTO: 本身好鍾意食Pesto意粉，加埋芝士一流。個人覺得呢間餐廳Pesto sauce herbs味道比較突出，掩蓋左自家製麵條嘅蛋味。
點解叫麵條唔係意粉？因為餐廳嘅麵條係港式粗麵形狀，但口感係麵粉搓出嚟，唔係Q彈口感，而係軟綿。(唔...我都係鍾意意粉多啲
COOKED HAM & MUSHROOM PIZZA: 餅底做得唔錯，邊位烤得好脆。Mozzarella(水牛芝士)烤過後會拉絲，配上酸酸甜甜嘅番茄醬做底，正👍🏻
見到唔少人都話服務好差，但我嗰日3位侍應都OK，係有點點散漫，叫craft beer 要問2次先有。有兩位都係外國侍應，只有一位講廣東話。
整體來講，有折嘅話可以一試，原價嘅話我未必會入去食，分量有啲少，味道亦唔算特別出眾。
張貼
