必勝客 (已結業)

早排成日見到pizza hut嘅廣告promote 佢隻新產品-Dip脆批，今日經過一於試吓當下午茶。我揀咗意式辣肉腸口味，上碟有兩件手掌大細嘅薄批，外皮焗得好酥脆，有少少焦香，中間夾住一片片辣肉腸同濃濃嘅芝士, 咬落熱辣辣仲有拉絲效果，點埋跟批附上嘅牧場沙律醬, 口感層次豐富。睇落件批薄薄哋唔算好大件，但係食完都真係滯滯哋，好在跟碟有幾塊沙律菜同兩片蕃茄，可以解一解膩。整體唔係話好有驚喜，不過味道都唔錯。如果平時食厭咗pizza，可以試吓。