三希樓 (利舞臺廣場)

營業中

休息中

今晚約咗成班friend gathering。我哋特登揀咗location非常方便，而且座位又大又舒適嘅三希樓！最緊要係可以包房！啱晒我哋成班friend食飯吹水！😍😍呢間餐廳嘅食物全部都非常好味，但我最鍾意嘅都係以下呢幾種！麻辣類: ✔️乾鍋豬大腸 ✔️ 麻辣口水雞🐷豬大腸洗得好乾淨，完全冇膻味，而且煮得好入味，每一啖都有好香嘅花椒🫑同辣椒🌶️味。真係食舔舔脷。麻辣口水雞🐓肉質又嫩又滑，加埋秘製🌶️麻辣汁，好食到停唔到哦！小菜類: ✔️三椒豬手✔️ 咕嚕肉✔️ 瓦罉焗胡椒海蝦三椒豬手🐷香噴噴，炒得超有鑊氣！豬手又腍又好食😋，同三色椒🫑味道勁夾！咕嚕肉🐷，火喉適中，醬汁同豬肉嘅比例岩岩好，唔會因為太多汁而令到炸豬肉腍晒，非常好食！瓦罉焗胡椒海蝦🦐，廚師古法特製！🫑胡椒味滲晒入海蝦到！正！鐘意食蝦嘅朋友千祈唔好錯過哦！😚飽肚飯類: ✔️三希樓招牌炒飯超足料嘅炒飯🍚！而且炒到十分乾身，食落口味道岩岩好。推介！😍