BLT Steak (已結業)

星期五晚一行二人試下BLT, 位置環境絕對ok, 星期五的關係餐廳也差不多座無虛席。今日共點了凱薩沙律，二種不同的牛扒及一份洋蔥圈再加兩杯紅酒。餐前麵包非常特別，外脆內軟, 有少少芝士香味, 啱啱熱熱地好好味😋 凱薩沙律沒有用上羅馬生菜而換上另一種新鮮沙律菜，雖然少了一種爽口感，但調味令味道感覺增加，如果可以唔需要切得太細，應該可以更好。今次一款叫了澳洲Rib Eye, 另一個是美國New York Steak。牛肉都是好新鮮上盛的，叫了medium rare, New York Steak 又少許over, 但不至於熟，美中不足是Rib Eye 上菜後凍了，馬上通知侍應需要翻熱。佢解釋由於星期五廚房同一時間要差不多應付50份牛，所以時間上可能控制不夠好。由於牛扒是用鍋上的，用來翻熱也不至於令牛扒overcooked。而最後洋蔥圈我覺得唔夠香脆同可以唔使唔大，因為炸粉太多。整體都值80分，可以做得更出色！