十人十色 (已結業)

尋晚同男友&好友三個人到十人十色開飯，唔知係咪假期前關係，比平時多人好多，行到入去企一陣先有待應叫我地出返去門口登記等位...入到去被安排坐卡位，卡位算好寬闊坐得好舒服。我地叫三文魚剌身、壽司、介辣醬燒秋刀魚、介辣醬蟹子沙律、牛油果軟殼蟹卷、鹽燒牛舌等。三文魚剌身- 一般新鮮。壽司- 就真係麻麻，飯一夾就散。介辣醬燒秋刀魚- 秋刀魚夾住企辣和寧檬汁香味，好開胃。牛油果軟殼蟹卷- 個樣都唔錯，但係味道就好一般有待改進。介辣醬蟹子沙律- 幾有創意，冇咁悶，有介辣香但唔辣，幾得意。鹽燒牛舌- 我唔食牛肉，但係男友話超正，好有口感。可能係太多人關係，待應十叫九唔應，叫又唔記得，有一個連雪糕係咪都好似唔知咁....有待改善。埋單每人百二蚊，算好經濟。會再去睇有冇改善。