影片
更多
2008-08-02
2 瀏覽
美心集團出品quality 一向唔太差. 之前試過中環果間, 印象ok既. 今次試埋依間, 睇下水準係咪差唔多先?一入門口有盞好大既水晶吊燈, 裝修好似好grand. 俾安排坐絲絨sofa 果邊, 舒服relax 好多, 加分 (但因為坐位有限, 最好訂位時request 坐另一邊, 唔駛對住正門同bar檯)人齊後點菜, 但可惜有d我地想叫又冇左, 如冷麵壽司....menu 都唔update 有d失望. End up 我地3個都叫左唔少嘢 :1. Assorted Sashimi (6款) $250 2. Assorted Sushi (8件) $195 3. Seafood Tempura $1154. 鹽燒鯖魚 $80? 5. Mini 雜菌hotpot $50?6. 燒豚肉 $50?Sashimi 有 toro, salmon, 油甘魚, 甜蝦, 帶子 .... 賣相唔差, 件件都好新鮮, 好肥美. Toro 入口即溶, 一絲根都無, 正! 略厭三文魚同 toro切得大件得濟, 如果可以再分一半, 一啖擺哂落口就prefect 啦. 海鮮天婦羅有海蝦, 魚, 蟹柳, 軟
一入門口有盞好大既水晶吊燈, 裝修好似好grand. 俾安排坐絲絨sofa 果邊, 舒服relax 好多, 加分 (但因為坐位有限, 最好訂位時request 坐另一邊, 唔駛對住正門同bar檯)
人齊後點菜, 但可惜有d我地想叫又冇左, 如冷麵壽司....menu 都唔update 有d失望. End up 我地3個都叫左唔少嘢 :
1. Assorted Sashimi (6款) $250
2. Assorted Sushi (8件) $195
3. Seafood Tempura $115
4. 鹽燒鯖魚 $80?
5. Mini 雜菌hotpot $50?
6. 燒豚肉 $50?
Sashimi 有 toro, salmon, 油甘魚, 甜蝦, 帶子 .... 賣相唔差, 件件都好新鮮, 好肥美. Toro 入口即溶, 一絲根都無, 正! 略厭三文魚同 toro切得大件得濟, 如果可以再分一半, 一啖擺哂落口就prefect 啦. 海鮮天婦羅有海蝦, 魚, 蟹柳, 軟売蟹... 可以, 但唔係好食果隻. 唔會recommend. 燒鯖魚同豚肉反而做得唔錯, 好野味, 加碗白飯, 真係可以唔駛食其他嘢. 雜菌火煱冇咩特別, 不過真係好迷你, 兩啖係可以冇哂家!
其實我地3個人食得飽飽埋單$900唔駛, 我覺得ok囉. d野又唔係難食. 食完又可以舒舒服服攤係到傾吓嘰都幾好丫. 不過要提嘅係d service 真係麻麻地, 上菜時 waiter 只會求其擺d餸係你檯邊, 見位就擺又大力, 一放低即閃, 好似去左茶餐廳咁. 依方面真係要改善吓.
張貼
