松屋日本料理 (已結業)

今日係結婚週年紀念，諗住同老婆去旺角食餐飯慶祝，左行右行都未諗到食乜，點知發現兆萬中心樓上開咗間松屋既分店，咁就走上去試下喇～上去坐低發現環境原來都不錯，比起尖沙咀個間光猛ｄ舒服ｄ，我地兩個不停咁响度點ｄ野食，最好食既係佢既串燒，有燒雞翼、燒雞軟骨同埋燒脆玉瓜，用黎送清酒真係一流，我都忍唔住叫咗兩支。魚生反而唔係食咗太多，我真係黎親松屋都係食串燒，因為佢ｄ串燒真係有水準，下次都會考慮黎返旺角，始終交通都係方便ｄ。