味苑 (已結業)

今次喺荃灣飯聚，唔想成日食連鎖餐廳，喺openrice左睇右揾，發現呢間評價幾好，朋友和議就訂位了。見食評人推薦燒味，於是叫了蜜汁叉燒同燒鵝皇，好彩叫得早有得品嚐，因為坐坐吓聽到燒味師傅大叫停鵝皇。叉燒汁多肉嫩，如果有少少肥，仲正!燒鵝唔點醬都好好味，肉多，皮脆，真係啖啖肉!仲有龍蝦伊麵，份量十足，肉夠多，茨汁香濃，伊麵又足料!另有小食拍青瓜，原來辣辣哋，同平時冇辣比，又幾清新!清湯蝴蝶腩，牛腩好味又夠'林'，又啲肥(並不是肥膏嗰種)又有啲筋，但我反而中意蘿白(清甜入味)同香芹(芹香脆嫩)。店內有卡位同圓枱，卡位亦有裝修佈置(鳥籠)，環境舒服。