影片
更多
2008-10-19
1 瀏覽
好耐冇去糖朝，對上一次去應該係十幾年前。上次蔡蘭節目介紹過，舖頭裝修咗比以前更大更闊落，今日經過就去食LUNCH試吓。我同朋友分別叫咗「窩蛋牛肉蒸飯」同「咸魚肉餅蒸飯」。最初個侍應話賣晒，我地都有啲失望。後來佢話賣剩一個，我地即刻有所期待啦。個牛肉飯OK，肉餅剁得唔錯，軟硬適中，佢地比埋支甜鼓油，可以一路食一路落都幾好。至於個FD既咸魚肉餅飯，佢話啲飯硬咗啲，我就覺得OK，可能因為我有隻蛋撈吓。食完飯食甜品，分別叫咗「密瓜西米露」同「凍紅豆豆腐花」。西米露入面有蜜瓜同哈密瓜，幾香椰汁味，唔錯。至於個豆腐花呢，最吸引我地既竟然係送嚟既時候用乾冰鋪底，煙霧彌漫，周圍啲人都望住，真係好有效果囉。至於味道，豆腐花好有豆味，果然係招牌菜，但略嫌紅豆太甜，如果少甜會更好。總括嚟講都唔錯，下次會再嚟試粉面同粥。
上次蔡蘭節目介紹過，舖頭裝修咗比以前更大更闊落，
今日經過就去食LUNCH試吓。
我同朋友分別叫咗「窩蛋牛肉蒸飯」同「咸魚肉餅蒸飯」。
最初個侍應話賣晒，我地都有啲失望。
後來佢話賣剩一個，我地即刻有所期待啦。
個牛肉飯OK，肉餅剁得唔錯，軟硬適中，
佢地比埋支甜鼓油，可以一路食一路落都幾好。
至於個FD既咸魚肉餅飯，佢話啲飯硬咗啲，我就覺得OK，可能因為我有隻蛋撈吓。
食完飯食甜品，分別叫咗「密瓜西米露」同「凍紅豆豆腐花」。
西米露入面有蜜瓜同哈密瓜，幾香椰汁味，唔錯。
至於個豆腐花呢，最吸引我地既竟然係送嚟既時候用乾冰鋪底，煙霧彌漫，周圍啲人都望住，真係好有效果囉。
至於味道，豆腐花好有豆味，果然係招牌菜，但略嫌紅豆太甜，如果少甜會更好。
總括嚟講都唔錯，下次會再嚟試粉面同粥。
張貼