麺屋武蔵 (已結業)

今日放假懶洋洋，放假去整甲，之後就去食個拉麵做lunch啦！平日見到好多人等我都唔想食，今日冇人就試下啦，睇下有幾好食先 （笑）招牌沙律，色彩豐富好新鮮嘅感覺，我被脆脆蓮藕片 & 一大排嘅粟米吸引左，不過介意wasabi嘅朋友要小心，沙律汁入面有醬油+wasabi㗎 😁食拉麵個湯一定要夠熱，呢碗白丸湯底好濃厚又夠熱，麵質可以再彈牙多少少就好啦！果塊肥肉入口即溶，好林好入味，間中邪惡一次可以，真係好肥啊 （笑）另一碗白丸同樣地湯夠熱夠濃厚，麵質略嫌唔夠彈牙，豚肉片好碎好碎，可接受但有進步空間，至於隻蛋。。係正嘅，糖心不得了啊！個餃子可以煎得金黃d香脆d，咁賣相又會吸引d嘛，食落感覺唔夠熱同埋冇乜肉汁爆出黎，好勁普通啊！