Burger Lab

營業中

休息中

剛剛喺九龍公園打完波，去佐敦最出名嘅白加士街搵嘢食，行均左都冇心水，點知去到喺另一條庇利金街見到一間舖頭細細既漢堡包專門店，因為係下午茶時段，所以冇乜人，而且仲有八折，姑且一試。見到餐牌，都有十幾款選擇，而且仲可以附加配料，於是我就點左個經典牛肉，另外自己再加塊菠蘿🍍，配埋套餐連飲品。等左大慨十分鐘，食物到，物量好足，包搽過牛油，烘過，外脆內軟👍，配料足，生菜蕃茄洋蔥，牛肉約七成熟，可能加咗塊菠蘿，咬落去出水出汁，好彩有手套提供，貼心，薯條即叫即炸，加咗鹽同黑椒，熱辣辣，整體性價比高，好過出邊嗰啲大牌子又貴又唔好食，呢間小店，值得再試。