影片
更多
2021-02-03
108 瀏覽
見到openrice 做緊定坐有半價promotion ，又幾好彩比我book 到這個優惠，我家老闆係牛魔王，點可以放過咁好嘅機會。早左少少到，佢地都好好，照返我book位嘅時間計90分鐘，有半價當然可以食貴少少啦！今日我地就揀咗$488 果款（任食美國安格斯牛、澳洲M5和牛、日山和牛同雞肉和豬柳）落完order 就馬上送上沙律，龍蝦🦞湯，日山和牛（有汁同無汁各一碟）豬、雞肉，海鮮同蔬菜盤，之後再送上迷你和牛漢堡，頭輪全部自己送上，其後想再encore 就要同職員講！先飲龍蝦湯，職員話龍蝦湯好好味要趁熱快啲飲，確實真係好好飲再試日山和牛，和牛總算軟滑，但未至於入口即溶嗰款（可能唔係A5嘅關係😅）整體賣相，肉質唔錯雞肉個口感有點似「塚田農場」嘅雞肉，彈口唔會林啤啤，對比之下豬肉就普通左啲。海鮮拼盤有🦐、🐟柳同帶子，蝦好爽身，帶子好鮮甜，但魚柳就好嚡熠熠！一口和牛漢堡，肉有肉汁，細細個唔駛食到飽晒，還掂唔夠可以再叫蔬菜盤入邊嘅粟米筍係最好食嘅，所以我哋叫完一次又一次之後我地仲試左好多款小食，吉列蝦、和牛春卷、牛肉他他壽司、吉列蠔、芝士年糕、芥末秋葵、芝士甜蛋、冷素麵同溫泉蛋吉列食品就麻麻，
早左少少到，佢地都好好，照返我book位嘅時間計90分鐘，有半價當然可以食貴少少啦！今日我地就揀咗$488 果款（任食美國安格斯牛、澳洲M5和牛、日山和牛同雞肉和豬柳）
落完order 就馬上送上沙律，龍蝦🦞湯，日山和牛（有汁同無汁各一碟）
豬、雞肉，海鮮同蔬菜盤，之後再送上迷你和牛漢堡，頭輪全部自己送上，其後想再encore 就要同職員講！
先飲龍蝦湯，職員話龍蝦湯好好味要趁熱快啲飲，確實真係好好飲
再試日山和牛，和牛總算軟滑，但未至於入口即溶嗰款（可能唔係A5嘅關係😅）整體賣相，肉質唔錯
雞肉個口感有點似「塚田農場」嘅雞肉，彈口唔會林啤啤，對比之下豬肉就普通左啲。
海鮮拼盤有🦐、🐟柳同帶子，蝦好爽身，帶子好鮮甜，但魚柳就好嚡熠熠！
一口和牛漢堡，肉有肉汁，細細個唔駛食到飽晒，還掂唔夠可以再叫
蔬菜盤入邊嘅粟米筍係最好食嘅，所以我哋叫完一次又一次
之後我地仲試左好多款小食，吉列蝦、和牛春卷、牛肉他他壽司、吉列蠔、芝士年糕、芥末秋葵、芝士甜蛋、冷素麵同溫泉蛋吉列食品就麻麻，好油，皮好厚，芥末秋葵、冷素麵係我地叫多過兩次嘅，其他食品都好食嘅！
我地中間都叫左一次澳洲M5和牛試一試。
但試完之後肉質同味道都係唔夠日山和牛好食，之後4轉都只點了和牛食到尾聲我哋仲叫埋溫泉蛋用來點牛肉，即時將油膩感減低兩個真係食到超級大滿足，去唔到日本，在港食下燒肉放題都係幾好嘅。
埋左單準備走人嘅時間，職員竟然送上甜品，奶茶味雪糕，嘩！個雪糕好好、好好味，最後我連老闆個半杯都食埋
張貼
