影片
更多
2010-08-06
21 瀏覽
同友人慶祝生日, 一行十人, 一早訂好枱, 所以唔駛等位~~不過就被安排係門口既大枱~可能因為係星期五晚同地方唔大既關係, 一早d 枱已經坐滿晒~~~睇左好耐個餐牌, 決定唔到叫咩好, 於是叫左個十人餐! 係度等餸菜上枱期間, 試左枱上面既小食~花生豆~原來都幾好食~~叫完餸, 等左大約十五分鐘, 餸菜終於上枱喇~鎮江肴肉: 肉質夠實, 唔會太腍, 不過係肥肉多左小小!碗仔趐: 只係將啲 粉打左係湯度打成芡, 加左小小肉絲~可以唔試!蝦仁花枝炒腰果荷蘭豆: 份量好多, 蝦好大隻, 爽口無雪味! 花枝又厚又大片, 炒得岩岩好, 唔會好韌. d 腰果~好香, 唔會有油益味!不過可能係因為同d 餸一齊炒過既關係, 腍左啲, 唔太脆~花雕醉雞:聞落好重酒味, 食落又唔係咁重酒味~~雞肉都算幾嫩滑!大盆雞: 有辣有唔辣, 揀左辣既! 大盆雞, 名符其實, 果然好大盆, 勁多材料! 有薯仔, 煮得夠腍, 唔係好入味不過都好惹味! 雞肉我估有大半隻既份量, 我地食唔駛仲打包左一大盒走! 雞肉都夠滑, 但可能d 辣椒係之後先加落去炒兩下既關係, 食唔到辣, 同埋略略咸左小小! 鹽燒鯖魚: 好厚肉,
可能因為係星期五晚同地方唔大既關係, 一早d 枱已經坐滿晒~~~
睇左好耐個餐牌, 決定唔到叫咩好, 於是叫左個十人餐!
係度等餸菜上枱期間, 試左枱上面既小食~花生豆~原來都幾好食~~
叫完餸, 等左大約十五分鐘, 餸菜終於上枱喇~
鎮江肴肉: 肉質夠實, 唔會太腍, 不過係肥肉多左小小!
碗仔趐: 只係將啲 粉打左係湯度打成芡, 加左小小肉絲~可以唔試!
蝦仁花枝炒腰果荷蘭豆: 份量好多, 蝦好大隻, 爽口無雪味! 花枝又厚又大片, 炒得岩岩好, 唔會好韌. d 腰果~好香, 唔會有油益味!不過可能係因為同d 餸一齊炒過既關係, 腍左啲, 唔太脆~
花雕醉雞:聞落好重酒味, 食落又唔係咁重酒味~~雞肉都算幾嫩滑!
大盆雞: 有辣有唔辣, 揀左辣既! 大盆雞, 名符其實, 果然好大盆, 勁多材料! 有薯仔, 煮得夠腍, 唔係好入味不過都好惹味! 雞肉我估有大半隻既份量, 我地食唔駛仲打包左一大盒走! 雞肉都夠滑, 但可能d 辣椒係之後先加落去炒兩下既關係, 食唔到辣, 同埋略略咸左小小!
鹽燒鯖魚: 好厚肉, 個皮煎到夠香夠脆, 鯖魚唔新鮮就好易會腥, 呢條一d 都唔腥!
花膠鵝掌炆冬菇: 花膠好薄身, 好係好在唔腥! 冬菇好厚身, 好香冬菇味, 而且索晒啲醬汁, 好正! 鵝掌無試到, 不過望落都幾大隻!
櫻花蝦炒飯: 飯粒粒分明, 但又唔會太過乾身, 好多好脆既蝦乾, 所以食落口好香!
台南楜椒餅: 其實食到呢度大家已經好飽好飽, 因為每道餸都好大碟, 但係呢個楜椒餅大家期待左好耐, 所以無論幾飽大家都食左半件~ 楜椒餅既皮好薄, 面層有好多好多芝麻, 餡有牛肉(似牛腩多啲, 唔似台灣果隻咁碎牛肉, 呢度係大大嚿! ), 蔥, 楜椒, 有好多肉汁, 好juicy. 雖然唔可以話佢唔好食, 但係可惜既係佢無楜椒味, 唔似台灣既楜椒餅咁一食有種辛辣既感覺, 食完會令人回味~
整體黎講食物算唔錯, 份量好多, 只係味道某幾道餸濃左小小! 仲有美中不足既係呢個套餐無甜品, 食完成餐飯無食甜品好似好唔完整咁. 同埋可能我地坐係門口關係, 侍應成日都睇唔到我地, 好耐先幫我地酙水!
張貼
