影片
更多
2013-05-08
176 瀏覽
星期六晚和友人來又一城搵食, 當然要先訂位以免輪侯一兩個小時呢...訂座前先參考了openrice的幾個食評, 知道有一邊的座位是望向溜冰場的, 所以特意要求訂這邊, 景觀開揚, 座椅又特別大張, 啱晒我呢啲身形略為胖胖的人仕, 食都食得開胃啲... 我哋叫咗冬蔭功湯, 拼盆, 菠蘿炒飯, 一杯果汁同甜品黑糯米, 食物質素唔錯, 冬蔭功湯本為一人份, 我們兩個女的, 用小碗分都夠兩位用, 酸酸辣辣而且有一只大頭蝦, 好滋味呢! $65元好像有點貴但朋友一開始就說想飲這個湯, 當然要叫一客! 值或不值就閣下自行判斷了! 拼盆有蔗蝦, 串燒, 軟殼蟹, 粉包同米紙卷, 價錢又係感覺有點貴, 但食過就明白了, 樣樣都唔錯! 菠蘿炒飯勝在用料多, 腰果蝦仁燒菠蘿青口魷魚樣樣有, $98大元, 算OK啦! (但我個人會較喜歡九龍城'金泰'$38蚊碟的'平民版'菠蘿炒飯, 因為師傅同隻鑊响正你'隔離', 一炒完一分鐘唔駛就出响你面前, 更好'鑊氣'香好多, 當然, 料就無得比都係濕碎嘢, 剩係炒完响飯面放一大堆肉鬆, 但這種'風味'我間中都會想番尋味的...) 餐後甜品芒果黑
服務方面, 侍應大部份是後生仔女, 手腳勤快但餐店地方確幾大, 要走來走去人人都有點忙, 要加水取醬料舉咗手都要等一會, 都叫'有求必應'雖然要等, 但侍應態度都ok, 至少無咩黑面又唔會'扮睇唔到', 在現今餐飲業提供的慣性低服務標準來看已是尚好, 可接受的.
總括而言, 要在這商場舒舒服服食一餐, 這兒確是一個好地方, 但切記要預早訂枱, 否則要在店外排隊, 週末一小時是少不免的, 價錢方面比去九龍城貴兩三成, 但大家都明地方格局係要花錢買的, 九龍城區可能坐圓櫈, 可能四圍嘈到爆, 呢度係好悠閒好Relax去享受你的晚餐, 所以唔同消費各有捧場客! 間中來這裡是不錯的選擇!
張貼
