五月食堂 (已結業)

今日搵食見到駿業街街市外面有下午茶banner，$32-38金，ok，可以一試。等到2:30pm，掃qr code 落單，叫左吉列蠔豬骨湯搵麵，等左10分鐘就上枱。雖然係餓，不過好唔好食都仲分得出。睇上去覺得細碗，驚唔夠飽，不過湯底好味，食完麵再飲曬豬骨湯，有滿足感。廚房大佬同老闆娘都好客集同禮貌，埋數用八達通。走過陣見到特格時段落單有得平，計落真係好抵食。觀塘好多食店，但試伏試得太多次，真係令人好沮喪。好在食返啲平靚正既鋪頭，就開心返。