影片
更多
2020-12-02
2138 瀏覽
今日同朋友行開旺角，朋友帶左我去「上海六一八」。本身唔知咩係「上海六一八」，去到見到好多年輕人，又有手作市集又有文藝小店，先知原來「上海六一八」係個咁特別嘅地方。行行下見口渴，見到有間茶飲店。名叫「吃茶三千」，售賣台式飲品。我好鍾意飲茶，又見個名幾得意就一於試下！原來有個「出杯處」係喺店出面嘅位置，有一張小小嘅長櫈比客人坐底飲。不過座位有限，要坐都要碰碰運氣啦。朋友同我相反唔鍾意飲茶，正擔心緊唔知有冇野飲啱佢嘅時候，店員就細心咁推介朋友飲「熔岩黑糖波霸鮮奶」。店員話呢杯野飲似珍珠奶茶但冇加到茶，啱曬我朋友！飲落似食緊雲尼拿雪糕，加上煙韌彈牙嘅珍珠，又有得飲又有野咬下幾過癮～本身諗住各飲一半然後交換黎飲，點知朋友竟然唔捨得比我飲，話只準我飲一啖😩！可想而知呢杯「波霸鮮奶」有幾好飲啦～我鍾意飲茶就嗌左杯「寶島經典水果茶」。點左熱飲。職員比兩種甜度我選擇：完美甜或走甜。職員解釋完美甜即是七成甜度。我就試下「完美甜」睇下點完美法啦！因為熱嘅關係，一打開蓋香氣就隨住d水蒸氣飄出黎，聞到好香嘅果味。入面有兩片蘋果、兩片檸檬、百香果粒同埋大量菠蘿粒，飲到尾就見到杯底有好多菠蘿粒同埋百香果粒，多到可以
行行下見口渴，見到有間茶飲店。名叫「吃茶三千」，售賣台式飲品。我好鍾意飲茶，又見個名幾得意就一於試下！
原來有個「出杯處」係喺店出面嘅位置，有一張小小嘅長櫈比客人坐底飲。不過座位有限，要坐都要碰碰運氣啦。
朋友同我相反唔鍾意飲茶，正擔心緊唔知有冇野飲啱佢嘅時候，店員就細心咁推介朋友飲「熔岩黑糖波霸鮮奶」。店員話呢杯野飲似珍珠奶茶但冇加到茶，啱曬我朋友！飲落似食緊雲尼拿雪糕，加上煙韌彈牙嘅珍珠，又有得飲又有野咬下幾過癮～本身諗住各飲一半然後交換黎飲，點知朋友竟然唔捨得比我飲，話只準我飲一啖😩！可想而知呢杯「波霸鮮奶」有幾好飲啦～
我鍾意飲茶就嗌左杯「寶島經典水果茶」。點左熱飲。職員比兩種甜度我選擇：完美甜或走甜。職員解釋完美甜即是七成甜度。我就試下「完美甜」睇下點完美法啦！因為熱嘅關係，一打開蓋香氣就隨住d水蒸氣飄出黎，聞到好香嘅果味。入面有兩片蘋果、兩片檸檬、百香果粒同埋大量菠蘿粒，飲到尾就見到杯底有好多菠蘿粒同埋百香果粒，多到可以潷起嚟食！唔怪得咁香啦！茶底有d似檸檬茶，入口果香同茶香充斥整個口腔，感覺清新醒神。「完美甜」嘅甜度都適中，唔會甜得滯蓋過茶嘅味道。
張貼
