ISEE iSEE Handcrafted Icy Desserts (已結業)

今日收工同事話有間雪條店在禮頓道新開，所以一齊去嚐鮮去到已經比個門面吸引了，櫥窗可以打開，好開揚，白色主色加上淺木傢具餐牌都係木牌牆上花體寫店名幾靚！有座位可以坐低食中央一個雪櫃放滿色彩繽紛嘅雪條，好吸引，先去收銀排隊，店內嘅小姐好有禮，滿臉笑容咁問我要乜，我要了兩支伯爵茶開心果雪條，佢會問埋你個名，寫在一個紙杯上，再放入雪條呈上，佢仲好唔好意思唔夠紙幣，要找散銀比我，暫時只收現金，佢話開業兩日，希望我哋食完比啲意見佢！雖然唔環保，但有隻紙杯真係唔怕滴污糟，一支要$42真係唔便宜，不過咬一塊入口，好香濃嘅伯爵茶味溶入口，茶味濃兼滑，而且唔太甜，要講茶味甜品好難出味，呢度做到，一路食都唔見有開心果，原來在雪條尾，開始覺得寡時食到脆口開心果，開心果味道原來同伯爵茶幾夾（無唸過呢兩樣東西可以夾埋一齊）好滿足！食晒就見到支雪條棍內藏乾坤！I see smile！都睇到餐廳在細微處好用心！不過剛開店就有點手忙腳亂！下次可以試下其他味道！